|
Heydenricus Dei gratia sancte Magdeburgensis ecclesie decanus. iudex a venerabili in Christo patre domino nostro Borchardo eiusdem ecclesie archiepiscopo conser- vatore dato a sede apostolica magistro et fratribus ordinis predicatorum deputatus, omnibus plebanis et viceplebanis in Brandenburgensi dyocesi constitutis, ad quos presentes pervenerint, salutem in Domino et mandatis apostolicis firmiter obedire. Cum nos nuper Georgium, Hinricum Arnoldi et Paulum dictos de Strack, nefandos iniuriatores et ma- lefactores fratrum predicatorum, moneri mandaverimus, ut ipsi eisdem fratribus de huiusmodi maleficiis et iniuriis horribilibus perpetratis unum ex ipsis fratribus occidendo et alia enormia irrogando satisfacerent infra terminum peremptorie competentem vel saltem coram nobis Magdeburg comparerent dictis fratribus de iusticia responsuri, verum cum dicti malefactores in hoc nobis minime paruerint et ipsos contumaces invene- rimus et rebelles, ideo eosdem excommunicationis sententia innodavimus iusticia exigente. Quam excommunicationem cum iidem malefactores iam dudum sustinuerint et adhuc su- stineant animis induratis, ut crescente eorum contumacia et rebellione crescere merito debeat et pena ecclesiasticas per censuras, ideo vobis omnibus et singulis districte precipiendo auctoritate apostolica mandamus sub pena suspensionis ab ingressu ecclesie, quam ex nunc trium dierum monitione premissa in vos et quemlibet vestrum ferimus in hüs scriptis, si non feceritis quod mandamus, quatenus in omnibus locis, in quibus dicti malefactores commorantur et ad que ipsos venire contigerit1, interim quod inibi fuerint et per triduum eorundem post recessum servetis generaliter interdictum, donec a nobis aliud receperitis in mandatis.
|
