Le chant des oyseaux
Reveillez vous, cueurs endormis,
le dieu d'amours vous sonne.
A ce premier jour de may
oyseaulx feront merveilles
pour vous mettre hors d'esmay.
Destoupez vos oreilles
et farirariron, ferely ioly.
Vous serez tous en ioyemis
car la saison est bonne.
Vous orrez, à mon advis,
une doulce musique
que fera le roy mauvis
d'une voix autentique:
Ti ti ti ti ti ti pyti...
Le petit mignon. Sancte teste Dieu!
Il est temps d'aller boire.
Rire et gaudir, c'est mon devis.
Chascun s'i habandonne.
Rossignol du boys joly,
à qui la voix resonne,
pour vous mettre hors d'ennuy
vostre gorge iargonne:
Frian, frian, frian...
Fuyez, regretz, pleurs et souci
car la saison l'ordonne.
Arriere, maistre coucou,
sortez de no' chapitre,
chacun vous donne au hibou,
car vous n'estes qu'un traistre.
Coucou, coucou, coucou...
Par traison, en chacun nid
pondez sans qu'on vous sonne.
Reveillez vous, cueurs endormis,
le dieu d'amous vous sonne.
Clement Janequin, ca. 1530
|