v ns kumt div suezze sumer zit.
vnde swas der summer frovden git.
mit liehter ovgenweide.
Daz velt in gruener varwe lit.
der bluomen glesten widerstrit.
Sich pruevet vf der heide
Gel vnd bla.
wiz vnd rot.
hie vnde da.
sam ez gebot.
des liehten meien wnne.
nu lobe swer loben kunne.
Lovb vnde cle.
den niht als e.
rif vnd sne
benimet ir liehte schowe.
grvene walt vnd owe.
hant vf rife
wol ciprise.
sanges wise.
von der nahtegal
berg vnde tal.
wol vber al
sint becronet.