|
In nomine Domini amen. Cum non solum curam temporalem, verum eciam piam memoriam teneamur gerere animarum et diem Muri iudicii crebris meditacionibus pre- venire, eapropter nos Ludewicus Dei gratia Brandeburgensis ecclesie episcopus ad noticiam omnium fidelium nunc vivencium et futurorum deducimus per presentes, quod de unanimi consensu et bona voluntate tocius nostri capituli ob remedium anime nostre salubre, predecessorum ac progenitorum nostrorum iugem memoriam appropriavimus et presentibus appropriamus altari Capelle gloriose virginis Marie in ecclesia sancti Bar- tholomei apostoli in Cerwist fratrum Kalendarum ibidem unum chorum siliginis in opido nostro Kotzin de uno manso, quem nunc colit quidam opidanus ibidem dictus Grubbe, dandum annis singulis in festo sancti Martini confessoria, quem faraosi famuli Kracht et Tyle fratres dicti de Thumen a nobis et nostra ecclesia in pheudo tenuerunt, item duo talenta denariorum Brandeburgensium de quibusdam areis sitis in opido nostro Pritzczerwe, xv solidos eorundem denariorum de navigio ibidem, quod nunc tenet Ghe- reke Kemerere", et quinque solidos eorundem de duobus ghurgustis, que dicuntur were, prope ipsum opidum, que nunc Heyne1 Went et quidam dictus Stoyzeker, opidani ibidem, pro nunc possident, annis singulis in prescripto festo beati Martini persolvenda, que eciam pro vidi famuli Zuleko, quondam noster advocatus, et Johannes Losze a nobis et nostra ecclesia in pheudo tenuerunt, statuentes, ut quicunque ipsum altare, postquam honorabilis vir dominus Sifridus plebanus in Beltiz, nunc rector eiusdem, ab hac luce* migraverit, canonice adeptus fuerit et ad id institutus, in anniversario nostro duo ta- lenta cum dimidio monete Brandeburgensis predicte per ecclesias infra scriptas et monasteria, videlicet dominis decanis in Kotzwik decem solidos, canonicis in Cerwist totidem, sanctimonialibus ibidem totidem, in Plotzek tantum et in Segeser tantum inter ipsos canonicos et sanctimoniales fideliter distribuat et die obitus nostri et anniversarii predecessorum ac progenitorum nostrorum memoriam nostram et ipsorum devote vigiliis- et missis peragant Deum pro nobis suppliciter exorando. Sane tarnen, si ex caristia, gwerra, incendio seu impedimento alio generali dicti redditus minorati fuerint, volumus, ut secundum ratam reddituum perceptorum idem altarista, qui pro tempore fuerit, die anniversarii nostri distribucionem faciat nec ultra hoc ad amplius per aliquem astrin- gatur. In cuius donacionis claram evidenciara sigillum nostrum una cum sigillo ipsius nostri capituli presentibus est appensum. Nos quoque Thidericus prepositus, Thidericus prior totumque capitulum ecclesie Brandeburgensis predicte ad requisicionem venerabilis in Christo patris ac domini domini Ludewici episcopi nostri et iugem prescriptorum memoriam presentem litteram sigillo ipsius capituli mandavimus roborari. Datum et actum Brandeburch, anno Domini m0.ccc0.xlj°, in die beati Dionisii episcopi et martiris ac sociorum eius.
|
