Hasabergtunnlmonschdr

Wasse ibrigns im Fernseh net brachd hen isch die Tatsache, dass des Monschdr um Gnade bettlt hot. »Von Kind an bin i schdendich dischkriminierd worra!« un »i ben jetz eh scho ganz schlimm draumadisierd! «, auf hochdeutsch allerdings, i sags so wie mirs mei Bieble, dr Max, berichded hot. Und er hätt des Monschdr am liebschda läbe lasse, aber dann hätt er ja sei Laserwaffe ganz umsonscht mitgnomme. Hot des Ding sogar selber zammabaut ghet!