Hasabergtunnlmonschdr

Mr hätt die Bueba wo des Monschdr aglockd ghet het älle ausfraga welle abr dabei isch net viel rauskomma. Bei dera Bolizei sin viele Ausländr gwä aus Sachsa zum Deil odr aus Hessa. Un die hen durchweg Probleme ghet mit dera schwäbische Sprache.
Eigndlich hätt nur ei gotziger die Bueba verschdanda, des wär dr Brahim gwä. Abr auch der hot zum Beischbiel des Wort 𝘉𝘭𝘢𝘧𝘧𝘰 net kennt. Des Monschdr wär aufm 𝘉𝘭𝘢𝘧𝘧𝘰 rumschbaziert un nur ganz manchmol ragfalla! Zum Glick wära ja unda iberall die Berge von Bäll gwä.
»Noi, aufn Buaba ischs nie gfalla, mir sin do älle ganz schnell aufd Seit ghopft.«
Do hot dr Brahim nur bled guckt: 𝘉𝘭𝘢𝘧𝘧𝘰, 𝘉𝘭𝘢𝘧𝘧𝘰?
Un grad des wär jo des Grusligschde iberhaubd gwä!

Heit in dr Schduggerder Zeitung machd mr sich iberd Bolizei luschdik weil die in dera Hasabergtunnlaffär den Tunnl nur am eina Ende abgschberrd hot. Bekanndlich hot a Tunnl zwei Eingäng, was au ganz besonders auf da Hasabergtunnl zutreffe dät. Und a Bolizeischbrechr hätt sich rausgredet un gsait die vermissde Buba wäret zum ganz ieberwiegenda Teil auf dera Seit zhaus gwä wo dann au dr Tunnl konsequenterweise umgehend ganz schdreng ieberwacht und abgschberrd worra isch.

Dr Udo schrieb am 20.2. 2022 um 10:32:50 Uhr über
Stuttgarter

Des isch kata schtro fahl. Mir henn Schbringmeis im Schlosspark! Metrhoh dend se schbringa, wer am laudeschda schreit, sind d Schwule, do siehsch glei ob epper schwul isch. Denksch jetz d Fraua dend au schreie, noi, die renna erschtmol weg un schmeißa sich auf d Trepp von dr Schdadsopr. Und schreia net sondrn heula schdill vor sich hin. Also i setz mi jetz glei indr Neunr un fahr hoim un erzähl dene was hier los isch.

Mir hen ja zerschd net gwussd ob des Monschdr wirklich dod isch, het mr d Anne, mei Frau gsagt.
Es hätt ja au bloß ohmächdig sei kenna odr sich verschdella.
Jetz nix wie raus, hattse do grufa. Rausgrannd also un dr Max, des isch unsr Sehnle wo des Monschdr killa het wolla hindrher. Zum Nochdenka sindse erschd spädr komma wo se ausm Tunnl drausawara.

Noi, erschd wennr die Laserwaffe exakt so nachbaut het wie des Original wo d Bolizei beschlagnahmt hot willr mr des Geheimnis verrate, was nämlich des Monschdr von ihm hot welle bevor ers het killa missa. Sagt mei Sehnle, der Max, un dassemer kei neues Ladegerät brauche, des alte wär ja noch do.
Also, jetz missemr demnäkschd zum Korbmayer, und bissr des Deng wiedr zammabaschdld hot, des wird daura bis Sankt Nimmerlein weil i merk wie em des scho langweilig wird. Eimol im Läba a Monschder killa, des reicht doch.

Also no bleibts Mäxle halt drhoim vorerschd un i gang alloi rundr zum Herdrplatz wo i denkt han, älles vollr Fernseh un Bolizei. Nix! D U2 (i sag immmr Neuner des war d Straßabah als noch kei Tunnl gwä isch, die isch da de Berg raufgscherrd zum Botnanger Sattl) also d U2 fährt ganz normal in den Tunnl rei und do isch zwar der Weg zum Tunnleingang gschberrt, abr des war scho immer so un i han nix Extras bemerkt.

Dr Udo schrieb am 20.2. 2022 um 11:35:20 Uhr über
Stuttgarter

Jetz komm i hoim un muss denna verzähla was i gseh hob. Isch ja hekschwahrscheinlich scho im Radio komma, des mit dena Schbringmeis, i denk, a ganz gfährliche Mudazion.
Denn dui bibbra scho vor Angschd bevor i was gsagt han.
Hesch gherd, sagt d Anne, mei Frau. Im Hasabergtunnl isch a Monschdr, wo kleine Buba alockd! I han de Max (des isch mei Sehnle) scho schdreng verwarnd!

A Hasabergtunnlmonschdr, wer hett des denkt.