|
Wie Albrecht von der gnade Godis herre tu Barboye und greve tu Mulingen bekennen openlicken an disseme ieghenwordigen brive, dat alle die schelinghe und alle die kriche, die twischen den burgern von Halle und uns geweset hefft wentuher, vrünt- liken und ghentzliken berichtet is und gesunet. Disse sune hebben gededinget und ghemaket unse man Wiprecht von Cerwist und Hince von Mosekowe voyt tu Barboye von unser weghene und die vromen lüde Hans Tobyas, Hans Drossan und Hans Beyger bürgere tu Halle von der stat weghene, und dieselven sin ok thüge disser dinghe. Up ein openbar orkunde, dat disse vorbescrevene süne von uns stede unde ghantz ghehal- den werde, so hebbe wie vorgnante here von Barboye unsse inghesegele an dissen brif gehanghen.
|
