|
Wy Johan van der gnade Ghodes greve tu Gutzekow, Wedeghe Bughenhaghen marscalk, Oldych Lepel, Deghenhard Bughenhaghen, Rodolf Nyenkerken de iunghe, Wolter van Penitz riddere, Arnold Bughenhaghen, Henningh Grambow, Hennyngh Pri- dol, Merten Winterweld, Hermen Spec, Egghard Smelink, Henneke und Syfrid brodere von Prilonen, Marquard Zayentz und Henneke Nyeland bekennen und betdghen open- bare, dat wy lovet hebben mit hande und mit munde unde loven en truwen in dessem breve ane arghelist den hogheboren vorsten Albrechte und Woldemar broderen, vorsten van Anhalt und greven van Askanien, und eren erven und eren leven truwen mannen und deneren Bernarde van Wulven, Hinrike van Yzenborgh, Tylen van Stene, Tyle van Rep- chow, Czorre, Hinz Mozolf, Marquard van Czizdorp ridderen, Cone Waldesyr, Dyritz Meyne- ken broderen van Schyrstede, Henningh und Conen broderen Ryken, Cracht van Welle, Hannes Haken, Hennyngh Buz, Heimen Trampen, dat alle de dedinghe, de unse leven gnedi- ghen hern dy dirluchten vorsten Buguzlaw, Barnym, Wartizlaw brodere tû Sthetyn, der Wende, der Cassuben, der Pomeren hertighen und vorsten tû Ruyen mit den erbaren vor- sten Albrecht und Woldemar vorbenomet ghedeghedinget hebben, alz ere breve und der stat tu Pozewalk spreken, dy sy under sich uppe die vorsproken deghedinghe gheven hebben, stede und vast scolen ewichliken holden ane allerleye arghelist und hulperede. Wer it over dat unser vorbenomden eyn edder meir storve, des Ghot nicht en wille, so scolen unse vorghenanten hern Buguzlaw, Barnym und Wartizlaw na der tyd, dat sy dartü gheeschen werden van den vorsproken vorsten van Anhalt edder eren erven, bynnen veir weken andere lovere alzo ghud in de stede setten. To eyner inerer be- kantnisse und eyner vestinghe alle desser dink so hebfte wy unse inghezeghele vor dessen breif heten henghen.
|
