|
Wie Hinrik van der gnade Goddes forste thu Anhalt, greve thu Asscharien unde here thu Berneborgh bekennen openbare in dissem ihegenwerdighen brieve unde dun wittelich alle den, dy on syen, horen eder lesen, dat we und alle unse rechte erven hebben gegeven ewichliken in Goddes ere Coppen Wedinghen bürgere thu Stasforde eyn bleck vor Stasforde eynes morgen landes langh unde alzo breth, alze eyn morgen
landes langh is. Daruppe het he ghebüwet mit unsem willen und mit unser vulbort mit guder lüde hulpe eynen sekenhoff unde huss, unde darynne heth he ghebuwet eynen altar in sente Marien Magdalenen ere unde in sente Barbaren ere. Denselven altar scole wy unde willen unde unse rechte erven ligen lutterliken durch God, vor wene dy vorbenomede Coppe Wedinghe unde syne erven bidden, dy nach ome komen. Ock mach Coppe Wedinghe unde syne erven ewichliken den armen luden up dem bleke buwen thu orerae gemake, wat sy willen unde wes sy bedorven, dat ane unsen scaden sy. Des thu eynem orkunde hebbe we unse inghesegel an dissen bref laten hengen. Tughe disser dinge sint: her Vredehelm von Plozk, her Grise riddere, Heyne von Allenborgh unde Franke von Sprone knechte, und ander vrome lüde genuch. Dith is gheschyn na Goddes ghebort druttenhundert iar in deme neghenundeveftigesten iare, in dem sundaghe na sente Michaeli daghe.
|
