>Info zum Stichwort Minnesang | >diskutieren | >Permalink 
das Bing! schrieb am 22.7. 2002 um 10:15:45 Uhr über

Minnesang

nu allerst lebe ich mir werde,
sît mîn sündic ouge siht
daz reine lant und ouch die erde
den man sô vil êren giht.
mirst geschehen des ich ie bat,
ich bin komen an die stat
dâ got mennischlîchen trat.

schoeniu lant rîch unde hêre,
swaz ich der noch hân gesehen,
bist duz ir aller êre:
waz ist wunders hie geschehen!
daz ein magt ein kint gebar
hêre über aller engel schar, waz daz niht ein wunder gar?

hie liez er sich reine toufen,
daz der mensche reine sî.
dô liez er sich hêrre verkoufen,
daz wir eigen wurden frî.
anders waeren wir verlorn:
wol dir, sper, kriuz unde dorn!
di, heiden! deist dir zorn.

hinnen fuor der sun zer helle
von dem grabe, dâ er inne lac.
des was ie der vater geselle
und der geist, den niemen mac
sunder scheiden: êst al ein,
sleht und ebener danne ein zein,
als er abrahâme erschein.

in diz lant hât er gesprochen
einen angeslîchen tac.
dâ diu witwe wirt gesprochen
und der weise klagen mac
und der arme den gewalt,
derwirt an ime gestalt.
wol im dort, der hie vergalt!

Walther von der Vogelweide


   User-Bewertung: +1
Oben steht ein nichtssagender, langweiliger Text? Bewerte ihn »nach unten«, wenn Du Bewertungspunkte hast. Wie geht das?.

Dein Name:
Deine Assoziationen zu »Minnesang«:
Hier nichts eingeben, sonst wird der Text nicht gespeichert:
Hier das stehen lassen, sonst wird der Text nicht gespeichert:
 Konfiguration | Web-Blaster | Statistik | »Minnesang« | Hilfe | Startseite 
0.0059 (0.0029, 0.0016) sek. –– 818811630