WEnn aber der Aussatz blühet in der haut
vnd bedeckt die gantze haut
von dem heubt an bis auff die füsse
alles was dem Priester fur augen sein mag

Wenn denn der Priester besihet vnd findet
das der Aussatz das gantze fleisch bedeckt hat
So sol er den selben rein vrteilen
die weil es alles an jm in weis verwandelt ist
denn er ist rein.

Jst aber rho fleisch da
des tages wenn er besehen wird
So ist er vnrein.

Vnd wenn der Priester das rho fleisch besihet
sol er jn vnrein vrteilen
denn er ist vnrein
vnd es ist gewis Aussatz.

Verkeret sich aber das rhoe fleisch wider
vnd verwandelt sich in weis
So sol er zum Priester komen
Vnd wenn der Priester besihet vnd findet
das das mal ist in weis verwandelt
sol er jn rein vrteilen
denn er ist rein.


Lev. 13,12-17